Obat masuk angin

Wong jawa adong masuk angin kiye biasane di obati deng dewek

Mbuh njaluk tulung di kerok.i ning bojone ning biyunge ning yayune mbuh ning adine

Kadang ya ana sing njaluk tulung di kerok.i deng tanggane

Utawa njaluk tulung ning batire

Sing kaya kiye kye biasane lagune bocah ning perantoan mbuh bocah kos kosan

Sing biasane adoh sing sedulur lan wong tuwa

Masuk angin kye bahasa jawane mbuh apa…?

Soale adong mlebu angin ya kayong kurang pas lan kurang cocok.

Apa maning manjing angin…

Mlebet angin, pinarak angin ya kayong ora kepenak ning kuping

Ya belih lurrr….?

Adong Bahasa Indonesia.ne tah yah “masuk angin”

Dong bahasa inggris.e ya lewih ruwet maning

Soale wong landa kye langka sing masuk angin

Penyakit masuk angin kiye ya anane mung ng negerine dewek

Bahasa inggris.e masuk angina kye kurang lewieh kye

“Rub back use coin or spoon with onion or oil”

Nggosok gigir nggo diut receh utawa sendok karo bawang abang lan lenga/minyak

Kwe inyong ya jere kang Tahuri sing tau mranto ng Belanda nganti 7 taun

( kang Tahuri kari mranto ngunggkuli bang toyib )

Lah inyong banjur takon…?

Apa ora kurang dawa kuwe kang,,,?

Jere kang Tahuri tah ya kaya kue bahasa inggrise masuk angin

Mbuh bener mbuh belih tapi ndean tah ya kurang lewieh kaya kue

Ya mbok maddd…?

(amad di takoni ora gelem semaur)

wong kuna kye adong masuk angin umume ya di kerok bar kue nginum sing anget anget

kaya tah wedang jae, teh manis sing anget

adong kurang panas ya biasane minum aspal goreng….

Ha ha ha…            

Jere biyung Darsem wong dukuh mingklik kye masuk angin kuwe pertanda kenang ababe neraka,,,

Inyong dewek ya ora patia ngandel ning ngendikane biyung Darsem

Soale biyung Darsem kiye adong di jek gontok – gontokan

Dadi dawa dawa ula alias pepesan kosong

Kari di takoni ya semaure “ora ilok”

Jere kang Brodiman sing wong Bantarkawung kye ora ilok pada bae karo “pamali”

Utawane hal hal sing ora olih di langgar  utawa di lakoni tanpa sabab musabab sing jelas

Biyung Darsem kye omongane kaya kudu kudu di gugu

Inyong ngomong sekecap biyung Darsem pitung puluh kecap

Jan plek kaya bakul jamu ning wagean sing jamune siji tapi bisa nggo ngobati 1734 penyakit

(akeh men mbok,,,,)

Sing kari ngomong nganti cangkeme metu umpruke

Kaya lubar minum R*ns* cair sing iklane  artis darus sinatra

Ngomong awit  jenggelek turu alias jam enem esuk nganti temekang jam sewelas awan

Ora liren nginum, madang, udud, apamaning nguyuh..

Pokoke nggacor terus kaya manuk kenari.ne mbah Dul Latip wong RT 12

Biyung Darsem kye ora bisa njelasna sing logis utawa tinemu akal

Kwe adong bar di kerok kan pada nglemeng abang ning gigir

Kwe tandane bar di gebug malaikat

(malaikat sing tukang nggebug sih malaikat sapa yah lurrr….?)

Mbuh bener mbuh ora tapi nyatane masuk angin kiye obat sing paling manjur ya di kerok kuwe,,,

Ora susah priksa nganggo BPJS ning dokter apa maning tukuni jamu “tolak ang*n”

Percaya apa ora ya kuwe tah karepe rika rika pada wa….

Sing penting pada bongbonge…