Wengi kue ustad srugul pada jagongan
karo bocah bocah ning ngarep umaeh kang jamali
Akeh bocah bocah sing pada jublegan
nggal wengi ning ngarep umaeh kang jamali.
Sing di bahas ya pirang pirang molai
hal hal sing cilik,nganti temekang politik
Sing saben wengi aktip ya kang sudrun,,kang
jugo, kang madrais karo kang jamali
Wengi kue di batiri kang darmo sing
nembe balik meranto ning kota metropolitan.
Kang darmo pancen wong sing banget
banggane maring hal – hal sing mambu luar negeri
Ya maklumlah.. kang darmo awit cilik
gunane meranto maring kota metropolis
Ungah ungguh wong desa kaya wis molai
di lalikna deng kang darmo.
Kang darmo kari cerita kayong banget
serune pokoke mbetaih men lah…
Sing ngrungokna kayong terhipnotis.
Apa maning adong cerita babagan luar
negeri.. josssss pokoke,,
Kaya kaya kang darmo wong asli USA
utawa Amerika tulennnnn
Cerita ceritane kang darmo ya kerep
gawe dugal maring kanca batir.
Kang darmo kaya nganggep kanca batire
kye ketinggalan jaman alias kurang “up to date”
Lewih lewih maring ustad srugul sing
gunane sarungan, uripe usrek umek ning umah karo masjid bae,, ora tau gaul..!!
Kang darmo ora ngerti yen ustad srugul
kye wis go internasional kaya artis agn*s m*n*ca
Tapi penampilane ustad srugul kaya
biasane wong ndeso sederhana lan apa anane
Bagena ustad srugul wis kerep di undang
maring luar negeri tapi ustad srugul tetep bae nganggo sarung lan kopyah adong
lunga lunga,, deweke ora gelem nganggo katok/celana jeans apa maning celana
pensil,,ustad srugul senenge nganggo katok komprang singkate ustad srugul kaya
wong kuna bae.
Ora mung penampilane sing ndeso cara
ngomong karo kanca batir pun ora ana perubahane, bagena ustad srugul pinter
pirang pirang bahasa tapi deweke tetep ngugemi bahasa jawa ora ketinggalan kata
kata “inyong”.
Saya wengi saya ora karu karuan sing di
kanda ana ngomongna pilhan lurah, ana ngomongna
Internet, paculan lan lia-liane.yah
umume ceritane wong desa
Saking sing di bahas wis kayong arep
entek kang darmo nyeritakna pengalamane dewek nalika ning
Luar negeri, kang darmo cerita pirang
pirang babagan kemajuane wong luar negeri bagena tanpa ulama apa kyai lewih
lewih ustad. Bagena ora nerepna islam ning urip saben dinane tapi luar negeri
lewih makmur,jerene kang darmo.
“Ujare rika primen tad,,,?”
Kang darmo takon maring ustad srugul
“mbarah Negara sing lewih
maju sing negarane dewek kye Negara ndi mbarah…?”
Ustad srugul balik takon
maring kang darmo
“USA alias amerika
tad,,,!!”
Kang darmo semangat men
kari njawab pitakone ustade
“Amerika sing lewih maju
apane…?
Untune apa nuklire…?”
Kang jamali karo kang jugo
mung cengengas cengenges tok..
Apa maning kang sudrun sing
idepe njagong adong ana wong kanda mung dadi pendengar setia tok.
“kyeh ente tek kandani kang
darmo… ente sing wis ping kopang kaping maring luar negeri kayane tah ya ora
beda adoh karo inyong…
Inyong ya wis ping kopang
kaping maring Amerika, eropa, jepang, cina, arab Saudi, Vietnam, apamaning
singapura,, inyong ora lagi sombong lan pamer… nyuwun sewu lah,,
Saben wulan kiye inyong
maring luar negeri..”
Ustad srugul molai cerita
“Ente weruh dewek mbok kang
darmo,,,?
Wong Amerika kelas propesor
hp ne Nokia lawas,, jere anake inyong kye HP jadul.
Ning kene,, nyuwun sewu
lah,, inyong ora lagi ngece karo kang sudrun,,
Kang sudrun sing pegaweane
uplek ning sawah ge cekelane hp Android,,
Ya mbok kang sudruunn…?”
“Apa kiye hp android nong
tad…??
Kang sudrun takon maring
ustade mbari nidokna hp android sing olih tuku nig kontere kang bawor.
“Iya drun kue sing arane hp
android,,”
“inyong ora ngerti ndroid
ndroid tad,, sing penting bisa nggo sms karo telepon lan suarane bening tad,,,”
Kang sudrun semaur sekenane
bae,,
“”Gajine wong amerika gede
kwe ya bener kang darmo,,,
Tapi regane barang barang
ning kana ya larang larang,,
Ente ngrasakna dewek ikih mbok
kang darmo,,,,?
Lah ning kene,,,?
Wong durung due gaji ge wis
wani mbojo..
Kweh contone kang jamali,,
nganggur jegur ge wani mbojo.
Iya mbok kang jamali…?”
“ he he he…
Jere rika rejeki tah wis
ana sing ngatur tad,,,
Ana dina ana upa, ana wengi
ana rejeki,
Sing gigire gelem panas ya
wetenge adem ya mbok tad…?”
Kang jamali semaur
diplomatis nemen
“geh njajal ente maring
singapura kang darmo..
Apa maring malesia,
Vietnam, arab Saudi..
Adong dewek alias wong
Indonesia sing belanja mesti regane di undakna
Sebabe wong luar kwe mau
duwe anggepan wong Indonesia kye sugih sugih…
Lah Amerika sing maju apane
kang darmo…?”
Kang darmo ora bisa semaur.
Sing di ucapna ustad srugul
kye akeh benere.
“lanjut maring jepang kang
darmo…
Ning jepang kwe ora saben
wong bisa tuku motor,, lah ning kene,,,?
Cukup modal duit 500 ewu
wis bisa due motor anyar gres,,
Wis kaya kue,, dewek ora
perlu yag yagan maring pasar motor di ider iderna kang darmo..
Ning jepang ya nggolet
kanca batir banget angele..
Apa maning angger warna
kulite beda,,
Lah ning kene,,, ?
adong nesih apal pancasila
lewih lewih paseh bahasa Indonesia utawa bahasa daerah,, nggolet kanca kye
banget gampange,, kwe sing nesih sebahasa karo ente ora mung dadi batir tapi
dadi sedulur…
lah sing lewih maju sing
jepang kye apane,,,?
Sawise ning jepang mbayuh
maring eropa..
Ning kene ente arep ndeleng
bal balan sekarepe ente..
Liga inggris, itali,
spanyol, cempien,bebas bass basss baasss
Ning inggris ente kudu
boking nganti telung wulan mung nggo ndeleng bal balan..
Sing maju apane,,,,?
Ente njajal nginep ning
hotel apa losmen ning malesia apa Vietnam,apa ning tailan
Terus jam 12 bengi metu
tuku sega goreng, tuku udud, tuku kopi, tuku wedang jae..?
Apa ana sing nesih buka…?
Ning kene kang darmo rika
butuh apa sewayah wayah kye nesih ana sing buka,,
Sing lewih maju apane
mbarah…?”
Kang darmo ora bisa semaur
di nei pitakonan deng ustade,,
Sawise jepang yuh geser
maring eropa kang darmo…
Awit sabrang kidul spanyol
nganti sabrang lor norwegia kabeh panganene pada kang darmo,,
Rasane ya mung siji,,,
lah ning Bumiayu kene,,
saben lesehan sing nyandingna mendoan kye sambel.e beda beda,, ana sing di
gerusna mengkreng tok, ana sing di campur tomat,, ana sing di campur kecap lah
pokoke akeh nemen lah,,,
Kuwe nembe Bumiayu tok kang
darmo durung lia liane apa maning seluruh Indonesia,,,
Mumet mbok,,, mikiri
sambel…?”
Sing nggo wadah sambel ya
unik maning kang darmo,,,
Nggo godong gedang,,
Godong sing akeh manfaate
ora mung nggo wadah sambel tok,,
Nggo gawe takir, nggo gawe
lontong, nggo gawe lemper,, nggo mbuntel tape,
Wong luar pada mumet
nggoleti wadah sing bisa di daur ulang...
Wong Indonesia wis nemukna
wadah sing bisa di daur ulang awit kuna lecit kang darmo…
Lah sing lewih maju apane
mbarah kang darmo…?
Terakhir kyeh kang darmo,,,
Ning cina wong due anak 2
bisa di uber uber deng pemerintah..
Ning kene sanajan nesih
ngontrak arep due anak pira bae bebas,,
Sing lewih maju apane
mbarah kang…?
Negarane dewek kye Negara
sing banget di sayange deng gusti alloh,,
Dadi Ora susah isin ora
susah minder..
Awke dewek kye mestine kudu
bangga maring Indonesia kang darmo..
Kemajuane wong luwar negeri
kye mung kemajuan sing semu. “
Bener apa ora kang
darmo….?”
0 komentar:
Post a Comment