Do’a mengusir Genderuwo

Kedadian iki wis liwat ana se wulan sing kepungkur..

Jan jane kedadian iki ana ning wulan puasa alias wulan Romadon sing wingi

Wulan sing penuh magfiroh lan mafruhan lan mardiyah..

He he he..

Sekitar jam 3 wengi bocah bocah pada gugah gugah nangikna wong sing nesih pada turu ben saur

Kegiatan gugah gugah wis dadi kebiasaan bocah lembutan alias bocah cilik

Jan jane kegiatan kiye ya langka sing prentah alias mengkoordinir

Kaya wis dadi kewajiban kegiatan rutin pendak malam Romadhon

Seliane ngisi buku kegiatan Romadhon sing di tugasna deng guru agama

Ronda alias gugah gugah dadi kegiatan bocah bocah ning desa Kretek

Termasuk Baridin keponakane inyong

Bagena umure nesih 5 tahun tapi Baridin selalu terdepan dong wayaeh gugah gugah

Saur saur saur…!!!

Baridin aktip ben wengi melu ronda karo bocah bocah seumurane.

Sing di tabuh mbuh apa bae ana jarigen, ana botol bekas sirup marijan, ana kentongan ana blik bekas roti Kong guan ana ember lahhh… pokoke lengkap kaya jajanan pasar

Suarane ya belih karu karuan babar blas ora kepenak.

Tapi yong arane ge bocah utawa lare alias durung ana nalare

Wong tua ya ora pada ngluruih apa maning nglarang..

Malah wong tua ya pada ndukung maring kekarepane bocah bocah.

Salah sawijine wengi keponakane inyong balik jam 4

Raine abang ireng ora karu karuan kaya lubar weruh iblis

Baridin cerita jere lubar weruh wong gede duwur ning karangan.e ki Madrais

Karangan alias kebone ki Madrais pancen terkenal madan angker lan jiss

Inyong dewek  ya madan prindang prinding adong liwat kono dewekan tah..

Pancen wis kerep sing di weruih genderuwo ning karangan kue.

Baridin lapor marang bapa lan biyunge  

Deweke lubar weruh wong gede duwur rambute gondrong lan untune dawa dawa.

Inyong ya kur mbatin ndean tah kue sing arane genderuwo

Mahluk alus sing manggon ning karangane kaki Madrais

Mahluk sing ora gelem di usir deng ustad Muheri

Ustad sing kaya ning tipi tipi sok “memburu hantu”

Baridin cerita mahluk kue mau wedi marang deweke sawise deweke ndonga.

Inyong ya madan penasaran karo donga sing di waca deng keponakane.

Kayong manjur temen dongane Baridin

Baridin maca donga kiye lurr…

“allohuma bariklana fima rozaktana wakina adabanar…”

Inyong ya ngomong kuwe tah neng donga arep madang mbok nang..?

“iya ommm..”

Baridin semaur lugu alias apa anane.

Inyong mbatin ndean tah Genderuwo mau wedi marang Baridin gara gara arep di pangan deng keponakane inyong.

Lah kweh buktine bar di wacakna donga arep madang Genderuwone kaburrrr….